Prishtinë, 27 nëntor -  Me rastin e shënimit të 27 Nëntorit - Ditës së FSK-së, e cila shënohet sot në Kosovë, ministri i Forcës së Sigurisë së Kosovës, Agim Çeku, ka thënë se kjo ditë çdoherë do të mbahet mend si Dita e Ushtrisë së Kosovës.

Agim Çeku në një intervistë për “Epokën e re” beson se në fillim të vitit 2014 FSK-ja do ta ketë kompetencë mbrojtjen e vendit.

Ai ka treguar se këtë detyrë pritet t’ia ngarkojnë Qeveria dhe Kuvendi i Kosovës më së largu deri në muajin shkurt të vitit të ardhshëm, pas rishikimit strategjik të sektorit të sigurisë.