Tiranë, 14 shkurt - Disa muaj pas përfundimit të spektaklit “VIP Shpija”, Inida Gjata, e njohur me emrin artistik Zhaku, ka rrëfyer largimin e saj “me dhunë” nga kjo shfaqje televizive dhe më pas qëndrimin njëditor në një hotel në Kosovë.

Zhaku ka bërë një deklaratë tronditëse, duke thënë se kanë tentuar ta përdhunonin.

Duke folur për mediet, ajo ka zbuluar se gjatë qëndrimit në hotel dy persona të futur nga produksioni kanë tentuar të abuzonin seksualisht me të.

Inida Gjata deklaroi se nuk ka bërë denoncim në polici për këtë ngjarje, pasi kushtonte shumë ta ndiqte penalisht këtë çështje, por premtoi se pas publikimit të dytë të librit “Trimnika”, do të mund të ndërmarrë veprimet e duhura ligjore ndaj personave në fjalë.