Shkup, 22 qershor -  Reperi shqiptar, Cozman dhe e dashura e tij, këngëtarja Tuna, kanë hedhur poshtë spekulimet e disa mediave të shkruara shqiptare se ata do të bëhen prindër.

Por, në rrjetin social Twitter tejet i irrituar është treguar Cozman, bashk me Tunën, të cilët mohuan një raport të tillë.

“Njerëz të mallkuar e të çmendur. Si mund të konfirmoni diçka që nuk është e vërtetë? Gazetat Shqiptare, ndaloni duke bërë thashetheme”, u shpreh Cozman në Twitter.

Edhe Tuna reagoi ndaj një urimi ironik të antarit të Babastars, Onatit, i cili “uroi” në mënyrë ironike duke përshëndetur Tunën dhe Cozman në Twitter dhe duke shkruar në fund “Gazetart pot lajkan”, një shprehje e bazuar nga kënga e fundit ku Onat e përdor fjalën “gjinja pot lajkan”.

Tuna është përgjigjur në të njëjtën mënyrë, duke thënë “Pot lajkan kta”.

Eshtë hera e parë që Tuna dhe Cozman bëhen pjesë e tabloideve shqiptare për faktin se mund të bëhen prindër, edhe pse ka më shumë se një vit që ata janë në lidhje dashurie.

Tuna dhe Cozman njihen për hitin e tyre të madh “Fenix”, që konsiderohet prej hiteve më të mëdha në vitet e fundit, e që ka rreth 20 milionë klikime në YouTube.