Los Angeles, 23 gusht - E mësuar me reklamimin e veshjeve të disa prej firmave më të njohura të modës në botë, supermodelja Irina Shayk përdori trupin e saj për herë të parë për një fituese të Çmimeve Oscar.

E dashura e Cristiano Ronaldos, rusja e konsideruar si një prej femrave më të tërheqëse të planetit, është protagoniste në një spot të ri publicitar, për llogari të veshjeve intime të dizenjuara prej aktores Penelope Cruz dhe motrës së saj.

Në këtë spot joshës, shkurtimisht paraqitet edhe vetë 39-vjeçarja, ashtu si e motra e saj shtatzënë që shfaqet më gjatë në spot, së bashku me bashkëshortin e Penelope, Javier Bardem.