Prishtinë, 24 janar - Rita Ora i është përgjigjur negativisht kërkesës së qeverisë së Kosovës për të zhvilluar një koncert në Kosovë me rastin e 5-vjetorit të pavarësisë. Shkak për këtë është bërë turneu i saj dhe angazhimet e tjera.

Ministri i Kulturës, Memli Krasniqi ka thënë se Rita Ora nuk do të jetë në Prishtinë, për shkak të angazhimeve të saj.

“Për shkak të turneut të saj si dhe angazhimeve tjera, Rita Ora ka pasur të pamundur që të jetë në Prishtinë. Ajo nuk do të ketë koncert për 17 shkurt”, është shprehur ai.

Por ministri ka premtuar se Rita do të mbaj koncert në Prishtine brenda këtij viti.