Prishtinë, 24 qershor - Sot në ambientet e Shkollës së Mesme të Ulët “Bajram Curri” në Shurdhan,  fshat qendror I trekëndëshit  kufitar, mbahet manifestimi rajonal i poezisë, “Trekëndëshi Poetik i Paqes”, edicioni i shtatë  2017.

Manifestimi mbahet në kuadër të Ditës se Lirisë së Kosovës si dhe figurës se kreshnikut të maleve, Idriz Seferi, të cilit i përkushtohet ky edicion, si një nga prijësit më të spikatur të luftërave për liri dhe  pavarësi gjatë viteve 1908 – 1912.

Manifestimi mbështetet në mënyrë modeste nga MKRS – departamenti i kulturës si dhe Komuna e Gjilanit, ndërsa organizohet nga Ars Clubi “Beqir Musliu”, me seli në Gjilan.