Los Angelos, 29 qershor - Marc Anthony ka frikë se që tani i kanë nisur telashet me vajzën e vogël Emme, sepse ajo kërkon rroba të reja si nëna e saj, Jennifer Lopez.

Këngëtari i hitit “I Need to Know” dhe J.Lo kanë fëmijë binjakë, Max dhe Emme të cilët lindën në vitin 2008, ndërsa edhe pse ka vetëm tre vjet, vajza ka filluar të ndjekë hapat e nënës së saj, e cila e pëlqen shumë modën.

“Max duket më shumë si unë, ndërsa Emme është mini-nëna e saj. Ajo e ka zakon të ndërrohet pesë herë në ditë. Ajo i lë rrobat jashtë.  Ajo e di saktësisht se çfarë dëshiron të veshë. Ajo nuk frikësohet nga manikyri/pedikyri”, ka treguar këngëtari.