Los Angeles, 25 qershor - Ditë më parë janë bërë prindër, ndërsa tani kanë shpallur fejesën. Çifti Kim Kardashian dhe Kanye West tashmë janë fejuar dhe pritet të martohen në Paris gjatë muajit shtator.

Sipas medieve amerikane, Kanye nuk ka blerë unazë fejesë, por i ka dhuruar asaj një unazë diamanti në vlerë 60 mijë dollarë, si dhuratë për lindjen e vajzës North West.

Martesa e tyre pritet të jetë luksoze me shumë të ftuar, ku në mesin e tyre edhe disa nga emrat më të mëdhenj të shoubiznesit.