Stratford, 2 qershor - Justin Bieber ka kërkuar shumë ndjesë për sjelljen e tij pasi që ka rrjedhur një video në të cilën ai ka thënë një shaka raciste.

Duke qenë i moshës 15 vjeçare në atë kohë, këngëtari i hitit Never Say Never, e ka fajësuar injorancën e tij për fyerjen që e ka bërë, duke e quajtur atë një gabim të pamatur dhe thotë se ka mësuar prej këtij gabimi dhe kurrë nuk do ta bëjë atë përsëri.

,,Si një i ri, unë nuk e kuptoja fuqinë e fjalëve të caktuara dhe se si ato mund të lëndojnë," tha ai në një deklaratë të lëshuar të dielën.