Los Angelos, 25 qershor - Ish-bashkëshorti i Kim Kardashian, Kris Humphries, e dinte që ylli i reality-show-t e tradhëtonte me Kanye West, këngëtarin me të cilin Kim është aktualisht e lidhur.

Sipas TMZ, basketbollisti i NBA ia ka rrëfyer këtë gjë të ish të dashurës së tij. Humphries u martua me Kardashian dhe u nda vetëm pas 72 ditësh në fillim të vitit.

Dyshimi lindi pasi West nuk ishte i pranishëm në dasmën e mikeshës edhe pse familjarët thonin se ai ishte një mik i afërt i familjes.

Një burim pranë ish të dashurës së Humphries tha për ‘TMZ’: “Kris u ndje i tallur kur Kim bëri gati dokumentat e divorcit dhe filloi të dilte me Kanye West. Ai dyshoi për tradhëti që kur West nuk ishte në dasmë.”