Prishtinë, 25 mars - Pas përfundimit të prezantimit të filmit “Heroi”, në kinemanë “ABC” për një muaj rresht, ky film ka nisur turneun nëpër qytete të ndryshme të Kosovës. Filmi “Heroi” më 25 të këtij muaji do të prezantohet në Pejë, më 26 në Prizren e më 27 mars në Klinë.

Regjisori Kryeziu ka bërë me dije se filmi “Heroi” të enjten është prezantuar në Malishevë, ndërkaq ditët në vijim do të prezantohet edhe në disa qytete, varësisht se si janë bërë kërkesat e komunave apo kinemave nëpër qytetet përkatëse.
Filmi flet për heroin e luftës i cili në paqe është zhgënjyer me tretmanin e institucioneve dhe të shoqërisë karshi tij dhe familjes së tij që përballet me vështirësi të mëdha ekonomike.

Filmi “Heroi” është dhënë premierë më 18 shkurt në shënimin e përvjetorit të Pavarësisë së Kosovës. Në filmin “Heroi”, me skenar dhe regji të Kryeziut, me rolet e tyre paraqiten: Arben Bajraktaraj, Adriana Morina, Çun Lajçi, Enver Petrovci, Salahudin Bilali etj.