Londër, 7 maj - Dhjetëra studentë të Universitetit të Kembrixhit zbarkuan me fuçi birre në krah në parkun e qytetit për të festuar “Caesarian Sunday”, një festë e përvitshme pirjeje, e vënë në pikëpyetje vitet e fundit për shkak të skandaleve që pasojnë këto festime.

Studentët shpërfillën kërkesën e drejtuesve të universitetit për ta refuzuar këtë festë, një traditë 80-vjeçare, e që në vitet e fundit është shoqëruar me shfaqje dhe sjellje të pakëndshme në publik. Studentët organizuan lojërat tradicionale dhe në fund lanë pas vetëm alkool, plastikë dhe rroba të harruara.