New York, 18 prill - Edward Norton dhe e fejuara e tij, Shauna Roberts, janë bërë me djalë. Sipas ‘Us Weekly’, çifti ka sjellë në jetë djalin para një muaji, por ka arritur ta mbajë të fshehtë lajmin.

Një burim tha për revistën: “Edi është shumë i lumtur që është bërë baba.”

Aktori amerikan ka qenë më parë i lidhur me Courtney Love dhe Salma Hayek. Ai dhe producentja kanadeze e filmave janë fejuar në vitin 2011, pas gjashtë vitesh lidhjeje.

Edward Norton është bërë i famshëm me interpretimin e tij në filmin ‘Fight Club’ të vitit 1999.