Prishtinë, 3 korrik - Kryeministri i Kosovës Hashim Thaçi ka emëruar të hënën kreun e Partisë Liberale të Kosovës Gjergj Dedaj në pozitën e zv/ministrit të Kulturës, Rinisë dhe Sporti.

Kjo është bërë e ditur nga vetë Gjergj Dedaj, i cili ka pohuar se është emëruar në këtë pozitë.

“Po, jam emëruar në pozitën e zëvendësministrit të Kulturës, Rinisë dhe Sportit, duke rikonfirmuar partneritetin me Partinë Demokratike të Kosovës”, ka deklaruar Dedaj, shkruan Epoka e Re.

Në Qeverinë “Thaçi I”, Dedaj ka qenë zëvendësministër i Punës dhe Mirëqenies Sociale. Partia Liberale e Kosovës, të cilën e udhëheq Gjergj Dedaj, është anëtare e Partive Liberale të Evropës me seli në Bruksel (ELDER).