Washington, 28 prill - Pas Medaljes së Artit, për Bob Dylan mbërrin edhe ajo e Lirisë.

Muzikanti do të marrë nga vetë presidenti Barack Obama nderimin më të lartë civil amerikan.

Medalja në fjalë u jepet personazheve që me meritat e tyre i kanë kontribuar sigurisë ose interesave kombëtare, apo paqes në botë dhe përhapjes së kulturës.

Lajmin për këtë vlerësim e ka bërë të ditur vetë Shtëpia e Bardhë përmes një njoftimi për shtyp, të cituar nga mediat amerikane.