Berlin, 7 prill - Ka fillluar nga puna ndërtimi i gazsjellësit mes Rusisë dhe Gjermanisë "Nordstream", i cili do të rrisë sigurinë e furnizimit energjetik të Evropës perëndimore në të ardhmen.

Agjencitë e lajmeve duke iu referuar gjigandit rus të energjisë, Gazprom, raportojnë se projekti disamiliardësh në Detin e Veriut ka filluar me vendosjen e tubacionit të parë.

Këtë javë është planifikuar edhe ceremonia e hapjes së punimeve. Parashikohet që projekti i gazsjellësit të kushtojë 7 miliardë euro.

Gazsjellësi Rusi-Gjermani do të jetë 1.220 km i gjatë dhe do të nisë nga Wyborgu rus për të mbërritur në bregdetin lindor gjerman në Greifswald.

Vendkalimet e tij do të jenë Rusia, Finlanda, Suedia, Danimarka, dhe Gjermania. Krahas Gazpromit në këtë projekt përfshihen edhe partnerë gjermanë të energjetikës si Eon-Ruhrgas.