Washington, 8 mars - Numri i amerikanëve që bëjnë kërkesë për përfitimet e papunësisë është duke u pakësuar, një sinjal se tregu i punës në Shtetet e Bashkuara të Amerikës (SHBA) mund të jetë duke u stabilizuar.

Qeveria njoftoi sot se javën e kaluar 340 mijë punonjës dorëzuan kërkesat për përfitimet e papunësisë, 7 mijë vetë më pak se një javë më parë.

Kjo e çon shifrën 4-javore mesatare të kërkesave për përfitime në  348 mijë e 750 vetë, shifra më e ulët që nga marsi i vitit 2008, kur ishte faza e hershme e krizës më të rëndë ekonomike të SHBA që nga Depresioni i Madh në vitet 1930.