Moskë, 20 mars - Tregtia me monedhat kombëtare të vendeve të BRICS (Brazili, Rusia, India, Kina, Afrika e Jugut) redukton rreziqet dhe varësinë nga dollari amerikan.

Për këtë deklaroi Ministrja e Marrëdhënieve Ndërkombëtare dhe Bashkëpunimit e Afrikës së Jugut, Maite Nkoana-Mashabane, në prag të samitit të BRICS (BRIKS), i cili do të hapet javën e ardhshme në Durban të Afrikës së Jugut.

Ndërkohë që Fondi Monetar Ndërkombëtar dhe Banka Botërore po përpiqen të përpunojnë qasjen e vet ndaj çështjeve të zhvillimit, vendet e BRICS mund të ofrojnë kolektivisht një axhendë alternative dhe praktike, mendon Ministrja.