Frankfurt, 18 tetor - Suficiti tregtar i Eurozonës në gusht ishte 6.6 miliardë euro, ndërsa në të njëjtën periudhë të vitit kaluar ishte 5.7 miliardë euro, njoftoi të martën Agjencia Europiane e Statistikave (Eurostat).

Sipas të dhënave, vëllimi i eksportit dhe vëllimi i importit në gusht u rritën përkatësisht 3.7 për qind e 2.1 për qind në krahasim me muajin e kaluar.

Nga janari deri në korrik të këtij viti, suficiti më i madh tregtar i përket Gjermanisë.

Përveç kësaj, Eurostat publikoi të dhënat e inflacionit për muajin shtator. Përqindja e inflacionit e llogaritur në bazë vjetore në Eurozonë ishte 2.6 për qind duke mbajtur të njëjtin nivel me muajin gusht.