Madrid, 22 shtator - Ministria e Financave e Spanjës shiti të enjten bono thesari me afat maturimi 3 dhe 10-vjeçar, në shumën totale prej 4.8 miliardë eurosh.

Interesi i bonove me afat 10-vjeçar është mbajtur nën 6%.

Departamenti i Thesarit ka arritur të shesë 4,8 miliardë euro, pak më shumë se parashikimi prej 4.5 miliardë eurosh. Mësohet se 70% e tyre janë marrë nga investitorët e huaj.

Ministri spanjoll i Ekonomisë Luis de Guindos u shpreh se kjo gjë përmirëson imazhin dhe rrit besimin e tregjeve.