Madrid, 24 korrik - Indekset botërore të aksioneve të hënën shënuan rënie në sfondin e situatës së krijuar në Spanjë dhe druajtjeve se disa rajone të vendit do të vazhdojnë të kërkojnë ndihmë nga autoritetet federale.

Gazeta rajonale e komunitetit autonom Murcia, një prej rajoneve më të vegjël të vendit, njoftoi me referim tek fjalët e Kreut të qeverisë rajonale, se autoritetet vendore kanë ndërmend t’i drejtohen autoriteteve federale me kërkesën e dhënies së një ndihme financiare prej 300 milion euro.

Të premten e kaluar ndihmë financiare autoriteteve i kërkoi Valencia.

Në këtë sfond indekset e aksioneve të tregjeve evropiane ranë të hënën deri në 1.5 për qind, ndërsa tregu spanjoll reagoi me një rënie prej 3 për qind.