Tiranë, 3 shkurt - Ekspertët japin alarmin për rënien e eksporteve gjatë vitit 2015, që sipas tyre është një tregues i qartë i problemeve që po kalon biznesi dhe konkurrueshmërisë së ulët të ekonomisë shqiptare.

Ata argumentojnë se në të gjitha vendet e rajonit, me përjashtim të Shqipërisë eksportet janë rritur, pavarësisht konjukturave të tregjeve ndërkombëtare, në të cilat ka rënë çmimi i naftës dhe mineraleve.

Rënia e eksporteve me 4.9% gjatë vitit 2015 shihet me shqetësim nga ekspertët, të cilët japin alarmin për problemet që po kalon biznesi dhe uljen e konkurrueshmërisë së mallrave \"Made in Albania\".