Prishtinë, 10 prill - "Partneriteti  ekonomik me Shqipërinë është  i një rëndesie të vecantë për zhvillimin ekonomik të Kosovës, forcimit të besimit reciprok në mes të bizneseve kosovare dhe atyre shqiptare dhe sa me i avancuar të jetë ky bashkëpunim në mes të dy ekonomive komplementare dhe jo konkuruese do të jemi më  serioz ndaj një populli në dy Shtete të ndara, ndaj investorëve potencial nga jashtë, ndaj fondeve strukturale Evropiane dhe mbi të gjitha ndaj Brukselit si pikësynim  i përbashkët  i të dyja Shteteve", theksoi Kryetari i Odes Ekonomike të Kosovës Safet Gërxhaliu me rastin e takimit me Ilir Zhilla - Kyretar i Unionit të Dhomave të Tregtisë dhe Industrisë së Shqiperisë.

Gjatë vizitës që i  bëri Zhilla Odes Ekonomike të Kosovës u bisedua për sfidat aktuale në bashkepunimin ekonomik në mes të dy komuniteteve të biznesit, për pasojat dhe dëmet që ka shkaktuar pengimi i depertimit të  patates së Kosovës në  Shqipëri  por në  të  njëjten kohë  kerkoi nga Kryetari Gërxhaliu që të bëje dialogim konstruktiv me Doganat e Kosovës  lidhur me mundësinë e zgjatjes së orarit të punës së Doganierëve Kosovarë  në  pikën kufitare në  Vermicë  24 ore sepse pritja e bizneseve nga Shqipëria në pikën kufitare prej ores 19:00 në mbrëmje  deri në ora  08:00 të mëngjesit të  ditës së  nesërme   është  një barrier  e cila e pengon avancimin e bashkëpunimit ndërshtetërorë, theksoi Zhilla.

Poashtu ai ceku edhe deklaratën e Kryeministrit të Shqiperisë z. Sali Berisha që  në raporte tregtare në mes të Kosovës dhe  Shqipërisë  duhet të  eleminohen të gjitha barrierat sepse vetëm në këtë  mënyrë mund të kontribuojmë ne zhvillimin ekonomik reciprok dhe të  rrisim atraktivitetin për investorë të huaj.

Gerxhaliu theksoi se e gëzon fakti që pas ndërtimit të rrugës së Kombit interesimi i kosovarëve për blerjen e apartmaneve në Shqipëri është  në  rritje e sipër dhe vetëm në vitin 2011 janë  blerë banesa dhe apartmane në  vlerë prej afër 30 milion Eurosh, por kjo në të njejtën kohë  obligonë  që  partneriteti ekonomik të  jetë  në  fokus pasi që pa bashkëpunim ekonomik dhe shfrytezim maksimal të  gjitha potencialeve komperative rruga e Kombit dhe investimet në  infrastrukture  nuk do të kenë  efektin e pritur.

Zhilla poashtu apeloi tek komuniteti i  biznesit kosovare të cilët kanë përvojë  Evropiane në menaxhim të Hoteleve,Restoraneve dhe Agjensioneve Turistike që të jenë  të  orientuar drejtë Shqipërisë për të gjetur mundësinë  e marrjes së  Hoteleve në Shqipëri për menaxhim dhe shfrytezim, pasi që shumë hotele në Shqipëri  janë  të  pa shfrytëzuara nga vetë fakti i  mungeses së  aftësive menaxheriale, aftësi të cilat shumë  kosovarë  i  posedojnë  por nuk kanë kapital  për të ndërtuar kapacitete të tilla hoteliere.

E tëra kjo do të ndikojë edhe në ngritjen e shfrytëzimit të mundësive dhe kapaciteteve  hoteliere në Shqipëri  përmes  sistemit  know- how dhe kuptohet të arrihen efekte të dyanshme pozitive.

Të dyja palët u pajtuan se vërtetë  duhet të  avancohet dialogimi me tematike Ekonomike në mes të dyja Shteteve dhe duhet të eleminohen të gjitha barrierat që e pengojnë këtë  proces dhe të kthehet besueshmëria  në mes të  dy komuniteteve për projekte dhe investime të përbashkëta në të ardhmen sepse nga ky ngerrç  i  krijuar për momentin mund të përfitojnë  Shtetet e rajonit dhe me gjërë  e jo Kosova dhe Shqiperia.