Manhattan, 18 maj - Disa kompani të prodhimit të markave të luksit paditën në një gjykatë federale të Manhattan-it kompaninë kineze Alibaba pasi lejon qëllimisht shitjen e mallrave të falsifikuar.

Në padinë e ngritur nga Gucci, Yves Saint Laurent dhe disa marka të tjera, thuhet se Alibaba-i ofron \"reklama në treg dhe shërbime të tjera të domosdoshme\" për shitjen e produkteve të falsifikuar.

Alibaba-i i ka hedhur poshtë akuzat duke shtuar se ka ndihmuar shumë kompani për të mbrojtur pronësinë intelektuale.

Kompania është kritikuar për lejimin e shitjes së produkteve të falsifikuar në platformat e saj edhe brenda vendit.