Prishtinë, 5 prill - Kontributi i Belgjikës dhënë proceseve zhvillimore në Kosovë është vërtetë inkurajues edhe tani kur është rritur interesimi i avancimit të bashkëpunimit ekonomik në mes bizneseve belge dhe atyre kosovare.

"Investimet e bëra në edukim, në kualitet, menaxhim dhe në shumë aspekte tjera që e karakterizonë biznesin  belg janë nevoja të cilat i duhen edhe Kosovës në veqanti sektorit privat në rrugëtim drejtë integrimit  evropian", theksoi Kryetari i OEK-ut Safet Gërxhaliu me rastin e pritjes në takim pune Ambasadorin e Belgjikës në Kosovë Pascal H. Gregoire  dhe Attachen Ekonomike znj. Geneviève Wlazel.

Ambasadori z. Gregoire falenderoi Kryetarin z.Gërxhaliu për gadishmërinë për bashkëpunim dhe për rekomandimet e dhëna se si të avancohet edhe më tutje bashkëpunimi ekonomik në mes të dy shteteve mike dhe për gadishmërinë e OEK-ut për një partneritet konstruktiv drejtë avancimit të këtyre proceseve.

Është e vërtet se është rritur interesimi i kompanive belge për partneritet në Kosovë dhe kjo dëshmohet edhe nga prania e znj. Wlazel për të marrë informata sa më të mira  dhe për të pregaditur një mission tregtar i cili do të vizitojë së shpejti Kosovën në të cilin delegacion përveq Komunitetit të Biznesit do të ketë  të pranishëm edhe përfaqësues Institucional nga Belgjika që dëshmon faktin se ky partneritet mes dy sektoreve private do të ketë edhe mbështetje Institucionale, theksoi Ambasadori z. Gregoire.

Kryetari Gërxhaliu edhe një herë shprehi rëndesinë e partneritetit ekonomik dhe rëndesinë e vizitave të misioneve tregtare në Kosovë e cila duhet të shfrytëzohet që Kosova të promovojë vlerat e veta, të promovojë partneritetin intern dhe vërtetë  antarët e delegacionit që vine në Kosovë  të binden vetë se në Kosovë ka  mundësi për bashkëpunim, ka stabilitet ekonomik dhe se Kosova është shumë më e mire e shikuar nga brenda sesa imazhi i krijuar nga jashtë, theksoi Gërxhaliu.