Tiranë, 24 korrik - Ministria e Bujqësise Administrimit të Ujërave dhe Zhvillimit Rural deklaron se në gjashtëmujorin e parë të vitit 2015 eksportet bujqësore në tërësi dhe në veçanti ato të frutave dhe perimeve janë rritur ndjeshëm dhe në disa qarqe janë dyfishuar.

Duke u ndalur në qarqe Ministria e Bujqësisë thote se në Berat sipas te dhenave zyrtare vëllimi total i eksporteve bujqësore në fund të ketij gjashtëmujori ishte 21,703 ton produkt krahasuar me 10,455 ton para një viti duke shënuar një dyfishim të eksporteve.

Ndërsa për Lushnjen kjo ministri bëri të ditur se deri në fund të gjashtëmujorit të parë të vitit 2015 nëpër dogana kanë kaluar për eksport 36,023 ton prodhime bujqësore në krahasim me 18,909 ton të një viti më parë.