Prishtinë, 12 tetor - Qeveria e Republikës së Kosovës ka njoftuar se ka mbajtur Ankandin e radhës të  Bonove të Thesarit KV016-16 ku u ofertuan Bono Thesari me maturitet 3 mujor në vlerë nominale 10 milionë euro.

Shuma e ngritur në këtë ankand do të shërbej për ri financimin e Bonove 3 mujore të emetuara paraprakisht.

Në këtë ankand të Bonove të Thesarit, tregu shfaqi kërkesë për blerje në vlerë 26.30 milionë euro, kurse ne pranuam vetëm shumën e shpallur paraprakisht e që është 10 milionë Euro.

Norma e interesit për këtë ankand ishte 0.09% vjetore. Kërkesat e larta për blerje të Bonove të Thesarit tregojnë besueshmërinë dhe qëndrueshmërinë buxhetore dhe financiare në Kosovë.