Prishtinë, 26 shkurt - Qeveria e Republikës së Kosovës ka mbajtur dje Ankandin e Bonove të Thesarit KV004-16, ku u ofertuan Obligacione Qeveritare 5-vjecare në vlerë nominale prej 15 milion euro.  E tërë shuma do të shërbejë si e hyrë buxhetore.

Në këtë ankand tregu shfaqi kërkesë për blerje në vlerë 34.28 milion euro kurse ne pranuam vetëm shumën e shpallur paraprakisht e që është 15 milion Euro.

Norma e interesit për këtë ankand ishte 3.51% vjetore, gjë që paraqet një dallim prej -143 pikësh bazë krahasuar me normën e interesit të ankandit të kaluar të Obligacioneve 5-vjecare, e cila ishte 4.94%.

Të hyrat nga ky ankand janë 14,998,196.15 euro. Sipas rregullores, kuponi caktohet në 3.5%, që i bie se do të kemi dhjetë pagesa semestrale me nga 262,500 euro.