Podgoricë, 23 prill - Porti i Barit në Mal të Zi ka bërë të ditur se nga muaji maj, do të shërbejë si pikë eksporti për gjithë xehën dhe koncentratin e zinkut nga Kosova.

Po ashtu përmes këtij porti detar, pritet të bëhet edhe importi i nikelit për fabrikën e Ferronikelit në Gllogoc, ka sqaruar autoritetet.

Mediet beogradase ndërkaq shkruajnë sot se sipas paralajmërimëve të hekurudhave të Serbisë, xehet dhe produktet tjera minerare kosovare do të transportohen me trena përmes Serbisë.

Kjo pasi, transporti me kamion nga porti i Barit deri në Kosovë, që kalon për Berane po del të jetë shumë i shtrenjtë.