Paundi britanik bie në 1.3987 dollarë vlera më e ulët nga 2009
Paundi ka rënë në 1.3987 dollarë, që është vlera më e ulët e tij nga marsi i vitit 2009.
Rënia e përnjëhershme e paudit filloi pas deklaratës së prefektit të Londrës, Boris Johnson, i cili një javë më herët tha se do të përkrahë fushatën e atyre të cilët thonë se Britania duhet të dalë nga BE-ja.
Qytetarët e Britanisë së Madhe më 23 qershor të këtij viti do të duhet të shprehen në referendum për mbetjen ose jo, të Britanisë së Madhe në Bashkimin Evropian, ndërkohë që kryeministri Cameron thotë se në negociatat e zhvilluara me liderët e BE-së ka arritur të sigurojë një status Special të Britanisë në Union, për çka ka paralajmëruar fushatë për qëndrim në BE.
