Oslo, 12 qershor - Konsorciumi i industrisë së naftës i Norvegjisë, deklaroi se greva e punëtorëve në një prej fushave naftë-mbajtëse të Norvegjisë, ka penguar operacionet e eksplorimit dhe të mirëmbajtjes së puseve të naftës dhe gazit, por nuk ka ndikuar në uljen e prodhimit të naftës.

Sipas këtij burimi, 12 puse të naftës në Norvegji janë ndikuar nga greva e punëtorëve, të cilët kërkojnë kushte më të mira të punës dhe paga më të larta.

Kompania Stat Oil, operon në 7 platforma të naftës të prekura nga greva dhe deri tani nuk ka arritur ndonjë marrëveshje mbi kërkesat e punëtorëve grevistë.