Bruksel, 19 shtator - Samiti vjetor BE-Kinë hapet sot në Bruksel në një sfond tensionesh tregtare, por po ashtu edhe të shpresës evropiane për sa i takon ndihmës së Pekinit lidhur me borxhet e bllokut evropian, disa javë pas ardhjes në pushtet të një gjenerate të re drejtuesish në Kinë.

\'\'Ky samit i 15-të kino-evropian zhvillohet në një moment të rëndësishëm për Evropën po ashtu si edhe për Kinën, në një periudhë ngadalësimi të rritjes ekonomike botërore dhe në një kontekst ndërkombëtar gjithmonë e më të vështirë\", sipas një deklarate të Bashkimit Evropian.

Kryeministri Wen Jiabao, për të cilin ky do të jetë samiti i fundit i këtij lloji, do të zhvillojë takime me presidentin e BE-së, Herman Van Rompuy dhe me presidentin e Komisionit Evropian, Jose Manuel Barroso.