Prishtinë, 26 shkurt - Kompania Mars ka lajmëruar tërheqjen në nivel të Bashkimit Europian të produkteve Snickers, Mars, Milky Way dhe Celebrations pasi një copë plastike është gjetur në një nga këto produkte.

Tërheqja e produkteve sipas kompanisë i përket vetëm disa batch-eve te përcaktuara të produkteve të prodhuara në Hollandë.

\"Ky është një incident i izoluar dhe janë prekur vetëm produktet e mësipërme të prodhuara në Hollandë.\" 

\"Asnjë varietet tjetër i çokollatës, formatet e pakove  apo edhe formatet e tjera  të paketimeve  nuk janë të prekura,  gjithashtu nuk është prekur asnjë produkt i prodhuar në ndonjë vend tjetër\", thekson kompania.

\"Sipas mekanizmit tonë të brendshëm të gjurmueshmërisë, ne konfirmojmë që MARS SCE nuk ka furnizuar apo dërguar në tregun Shqiptar asnjë nga produktet e prekura.\"

\"Megjithatë, ne nuk mund të garantojmë që ndonjë produkt i prekur është importuar apo shitur në Shqipëri nga ndonjë kompani tjetër e pavarur e cila nuk është pjesë e  kompanive të  grupit Mars ose e distributorëve tanë\", thekon me tutje.