Prishtinë, 19 shtator - Ministria e Tregtisë dhe Industrisë, përkatësisht Agjencia për Investime dhe Përkrahjen e Ndërmarrjeve në Kosovë (KIESA), në bashkëpunim me komunën e Ferizajt në kuadër të aktiviteteve \"Ditët e Biznesit të Vogël 2016\" organizon \"Konference Informuese për Zhvillimin e Sektorit Privat\" në Ferizaj ku do të paraqiten dhe diskutohen sfidat e sektorit privat si dhe shërbimet dhe programet zhvillimore që ofrohen nga Qeveria në nivel kombëtar dhe lokal.

Konferenca mbahet duke filluar nga ora 9:30 në Restaurant \"Orchide\", rruga “Ahmet Kaçiku” p.n Ferizaj. 

Aktivitetet në kuadër të \"Ditët e Biznesit të Vogël 2016\" kanë për qëllim të zhvillojnë dialogun publiko - privat i cili, së bashku me fuqizimin e ndërmarrësisë, është me se i domosdoshëm për një zhvillim të qëndrueshëm të sektorit privat, respektivisht zhvillimit ekonomik.