Prishtinë, 14 shtator - Sot mbahet ceremonia e nënshkrimit të  marrëveshjes në mes Ministrisë së Tregtisë  dhe Industrisë, përkatësisht Agjencisë  për Investime dhe Përkrahjen e Ndërmarrjeve në Kosovë (KIESA) dhe Programit për Zhvillim i Kombeve të Bashkuara - UNDP, për implementimin e Projektit: “Ndihmë Tregtisë” në Kosovë.

Ngjarja do të mbahet në  zyrat e Agjencisë  për Investime dhe Përkrahjen e Ndërmarrjeve në  Kosovë.

Projekti “Ndihmë Tregtisë”, është duke u implementuar që nga viti 2012 dhe ka për qëllim nxitjen e rritjes së qëndrueshme dhe gjithëpërfshirëse ekonomike, përmes promovimit të tregtisë dhe rritjes së konkurrueshmërisë së Kosovës.

Marrëveshja do të nënshkruhet nga Besian Mustafa – Drejtor i Përgjithshëm i KIESA-s dhe Alessandra Roccasalvo- Zëvendës  Përfaqësuese e Përhershëm e  UNDP-së.