New York, 8 janar - Çmimet e naftës u rritën të martën pasi tregtarët parashikuan se moti i keq në Shtetet e Bashkuara do të shtonte kërkesën për karburant.

Shërbimi Kombëtar i Motit tha se pjesa veriore dhe qendrore e Shteteve të Bashkuara do të përballet me temperaturat më të ulëta në dy dekadat e fundit, ku pritet të ndikohen rreth 140 milionë njerëz.

Çmimet e naftës gjithashtu u rritën nga të dhënat e punësimit në Gjermani. Agjencia federale e punës, njoftoi se papunësia ra për herë të parë në pesë muaj; veçanërisht numri i të papunëve u reduktua në dhjetor.

Nafta e butë për shkurtin u rrit me 24 cent dhe arrit në 93.67 dollarë për fuçi në Tregun e Këmbimeve të Nju Jorkut, ndërkohë nafta bruto Brent për shkurtin u rrit me 62 cent duke arritur ne 107.35 dollarë për fuçi.