Gjenevë, 23 shkurt - Sekretari i përgjithshëm i Organizatës Botërore të Tregtisë (OBT) Roberto Azevedo tha se mbi 2/3 e anëtarëve të organizatës kanë miratuar protokollin e \"Marrëveshjes së lehtësimit të tregtisë\" dhe si rrjedhim, kjo marrëveshje hyri në fuqi.

Pas miratimit nga Ruanda, Omani, Çadi dhe Jordania të protokollit të \"Marrëveshjes së lehtësimit të tregtisë\", ndër 164 anëtarët e Organizatës Botërore të Tregtisë, 112 prej tyre e miratuan marrëveshjen.

Sipas të dhënave, zbatimi i saj do të pakësojë me 14.3% koston e tregtisë globale.