Shkup, 22 shkurt - Dogana e Maqedonisë ka arritur që të parandalojë lëshimin në treg të 3.6 ton çokollata të falsifikuara të llojit të njohur “Kinder Bueno” të kompanisë prodhuese Ferrero SPA.

Çokollatat u zbuluan gjatë importit nga ana e një kompanie nga Gostivari. Drejtoria e Doganave pas verifikimit të mallit dhe komunikimit me kompaninë përfaqësuese të Ferrero SPA ka konstatuar se bëhet fjalë për çokollata të falsifikuara, transmeton Ina.

Drejtoria e Doganave theksoi se është parandaluar ky tentim i futjes së mallit të falsifikuar për popullatën më të re në vend.

“Kinder Bueno” ishte vështirë për tu hetuar se bëhet fjalë për mall të falsifikuar.