Prishtinë, 18 prill - Kompania Scards nga Prishtina do të prezantohet sot në ambientet e Innovation Centre Kosovo (ICK) ku do të paraqiten disa nga produktet inovative të kësaj kompanie kosovare.

Scards është një kompani e cila merret me shtypjen e materialit promovues dhe për synim e ka tregun global.

Gjatë prezantimit të Scards dhe produktetve të saj, i cili do të mbahet nga ora 17.30, do të të flitet për produktet e kompanisë dhe për mënyrën e të operuarit të saj.

Duhet theksuar që Scards ka një model unik të biznesit që pretendon të mbledhë rreth vetes shumë persona të cilët mund të nisin bizneset e tyre, duke promovuar dhe shitur produktet e kompanisë në mbarë botën si dhe duke realizuar fitime të shpejta.

Scards përpos në Kosovë ka prani fizike edhe në Britani të Madhe dhe në ShBA. Për më shumë informata ju mirëpresim në prezantim.