Kosova përballet me bilanc tejet negativ tregtar
Se sa janë të favorshme politikat e Kosovës për fuqizimin e sektorit të prodhimtarisë dhe nxitjen e eksporteve, cilat janë planet afatshkurta të institucioneve, sa shfrytëzohen marrëveshjet për tregti të lirë nga ana e kompanive prodhuese, çfarë masash ndërmerren nga ana e institucioneve përgjegjëse për zgjidhjen e barrierave në eksport, Oda Ekonomike Amerikane në Kosovë organizon organizon tryezën me titull “Eksportet e Kosovës - Mundësitë dhe Pengesat”.
Përgjigjet në pyetjet e mësipërme do të jepen nga Mërgim Prishtina, kryesues i Komitetit të Prodhuesve të Odës Amerikane, Ramiz Kelmendi, zëvendëskryeministër, Sytrime Dërvisholli, udhëheqëse e Departamentit për Tregti në MTI, Ruzhdi Haxhijaha, menaxher në kompaninë Bodrumi i Vjetër, si dhe Agran Halimi, përfaqësues i kompanisë Pestova.
Edhe Ministria e Tregtisë dhe Industrisë do të organizojë po sot tryezën ku do të diskutohen mundësitë e shfrytëzimit të Marrëveshjes së Stabilizim Asociimit për rritje të Eksportit, në kuadër te sektorit për produktet e ndërtimit.
Në veçanti do të prezantohen mundësitë e mbështetjes për bizneset vendore dhe kërkesat e tregut të BE-së.
