Podgoricë, 30 gusht - Sot në Podgoricë njëdelegacion i OEK-ut i prirë nga Kryetari Safet Gërxhaliu ka zhvilluar një vizitë pune me ç’rast u priten në  nivelin më të lartë nga Presidenti i Republikës së Malit të Zi Filip Vujanoviq. 

Takimi u zhvillua në fryme miqësore me ç’ rast u diskutuan të gjitha aspektet të bashkëpunimit bilateral ekonomik por edhe në kontekstin e bashkëpunimit ekonomik rajonal.

Gërxhaliu e informoi Presidentin Vujanoviq mbi qëllimet e OEK-ut për fuqizim të marrëdhënieve ekonomike të rajonit përfshirë edhe bisedat me Odën Ekonomike të Serbisë.

Nëkuadër të vizitës në  Podgorice delegacioni i OEK-ut u takua me përfaqësuesit e Odes Ekonomike  të Serbisë me ç’ rast u diskutuan temat në vijim.

1. Themelimi i grupit punues që do të merret mëçështjet  fito-sanitares dhe të veterinarisë, si dhe i grupit teknik që  do merret me çështjet problematike të doganave,

2. Fillimi i shkëmbimit të informatave për vlerësimin e bonitetit të ndërmarrjeve në  baza të rregullta,

3. Palet janë pajtuar që  sa i përket  transportit të mallrave duhet të ngrisin çështjen  e përdorimit të kapaciteteve të hekurudhës ,

4. Të ngritët çështja e eliminimit të pengesave të dërgesave postare dhe të gjendetnjë zgjidhje adekuate,

5. Palet janë pajtuar që të specifikohen projektet e përbashkëtanë  interes të përbashkët,

6. Palet janë dakorduar të  rrisin bashkëpunimin në çështjet e arbitrazhit.

Në  fund palët u pajtuan që të vazhdojnë komunikimet me  qëllim të trajtimit të barrierave në tregtinë e të dyja vendeve.