Pekin, 27 dhjetor - Kompanitë kineze janë ato që po marrin pjesë gjithnjë e më shumë në blerjen e kapitaleve të huaja, duke e renditur Kinën të dytën pas SHBA-ve.

Fakti evidentohet në Librin e Verdhë mbi Ekonominë Botërore që botohet nga Akademia e Shkencave Sociale të Kinës.

Sipas statistikave të kompanisë amerikane "JP Morgan Chase & Co.", në gjashtëmujorin e parë të vitit 2010 Kina, si blerëse, renditet e dyta pas SHBA-së në vëllimin e blerjes së kompanive.

Në vitin 2003 investimet kineze jashtë vendit, ishin vetëm 2.8 miliardë dollarë, ndërsa sot i kalojnë 40 miliardë dollarët, duke pasur një rritje mesatare vjetore prej mbi 70% të investimeve të drejtpërdrejta në vende të tjera.