Pekin, 11 korrik - Komisioni Kombëtar i Zhvillimit dhe i Reformës ka deklaruar se nga 11 korriku Kina do të ulë çmimin e nënprodukteve të naftës.

Zhou Wangjun-i, zëvendësdrejtor i departamentit të çmimeve në Komisionin Kombëtar të Zhvillimit dhe të Reformës, pohon se mekanizmi i ri i çmimeve do të vihet në funksionim deri në fund të këtij viti, por koha e saktë ende nuk është përcaktuar:

\"Ne duhet të diskutojmë se kur është koha e përshtatshme për nisjen e sistemit të ri të çmimeve, sepse nuk mund ta futim mekanizmin e ri kur çmimet ndërkombëtare të naftës janë të larta, dhe as kur çmimet ndërkombëtare të naftës së papërpunuar janë më të ulëta se kostoja e shfrytëzimit brenda vendit\".

Çmimet e karburantit në tregun vendës zakonisht ndryshohen kur çmimi ndërkombëtar i naftës bruto luhatet me më shumë se 4 % gjatë një periudhe prej 22 ditësh pune.