Jarinjë, 31 korrik - Pjesëtarët e kontingjentit polak të KFOR-it kanë bllokuar rrugën alternative nga Rashka në drejtim të Kosovës dhe kanë ndaluar lëvizjen e kamionëve me mallra komerciale, që bartnin mbi tre tonelata, ndërkohë që lëvizja automjeteve të tjera nuk është penguar.

Një anëtar i të ashtuquajturit Këshill komunal i Leposaviqit, Bojan Jakovleviq, ka thënë se me këtë veprim KFOR-i është vënë drejtpërdrejtë në anën e Prishtinës.

“Kemi kërkuar lëvizjen e lirë të kamionëve me të cilët transportohen mallrat për punëtoritë tregtare në veri, ku tashmë ka mungesë”, ka thënë për mediat lokale Jakovleviq.