Pekin, 18 korrik - Në gjashtëmujorin e parë të këtij viti vëllimi i investimeve nga Bashkimi Evropian në Kinë arriti në 3.52 miliardë dollarë amerikanë, 1.6 % më shumë se në vitin 2011.

Kështu bëhet e ditur në raportin e publikuar prej Ministrisë së Tregtisë të Kinës më 17 korrik.

Sipas këtij raporti, nga janari deri në qershorin e sivjetshëm Kina ka shfrytëzuar 59.1 miliardë dollarë investime të huaja, 3 % më pak se vjet.

Ndër to, investimet nga vendet aziatike njohën një rënie me 15.5 %, ndërsa ato nga Bashkimi Evropian shënuan rritje, duke ndryshuar prirjen e uljes që patën në pesë muajt e parë të vitit.