Tiranë, 11 gusht - Gjatë muajit korrik inflacioni në Shqipëri shënoi një rritje prej 1.9 për qind, njoftoi të mërkurën Instituti i Statistikave. Norma e inflacionit në qershor ishte 1.2 për qind, ndërsa një vit më parë 1.3 për qind.

Sipas INSTAT-it, rritja e inflacionit në korrik ndodhi për shkak të rritjes së çmimeve të ushqimit, të cilat përbëjnë rreth 85 për qind të inflacionit.

Sipas Bankës së Shqipërisë, deri në vitin 2018 inflacioni pritet të arrijë objektivin prej 3 për qind.