Bruksel, 2 mars - Shkalla vjetore e inflacionit në 17 vende anëtare të Bashkimit Evropian (BE), anëtare të “Eurozonës”, në janar arrinte 2,3 për qind.

Krahasuar me dhjetorin e vitit 2010, inflacioni në janar është më i madh për 0,1 për qind, lajmëroi Shërbimi për statistikë i BE-së – Eurostat.

Burimi i njëjtë bën të ditur se në krahasim me muajin e njëjtë të vitit 2010, inflacioni është rritur për 0,9 për qind. Shkallë më të madhe të inflacionit në nivel vjetor në BE, në janar të këtij viti, prej shtatë për qind ka pasur Rumania. Në grupin e vendeve me inflacion të lartë gjenden edhe Estonia me 5,1 për qind dhe Greqia me 4,9 për qind.

Sipas Eurostatit, krahasuar me dhjetorin e vitit 2010, në janar inflacioni është rritur në 15, ndërsa është zvogëluar në 12 vende anëtare të BE-së.