Mitrovicë, 26 mars - Që nga dita e nesërme edhe Mitrovica do të ketë Tregun për automjete.

Sipas Koordinatorit të Tregut në Mitrvovicë, Nexhat Dedia, ky treg është i pajisur me infrastructurë të nevojshme dhe do t’i plotësoj kërkesat e qytetarëve të Mitrovicës për një veprimtari të tillë.

‘’Kam knaqësinë që t’i njoftoj të gjithë qytetarët se nga data 27.03.2012, ditë e martë, do të filloj  punën Tregu i Automjeteve në Mitrovicë,  dhe ju ofron të gjitha kushtet për një veprimtari të tillë’’ deklaron Nexhat Dedia.

Ai njofton se tregu është i shtruar në kubëza, dhe është i pajisur me të gjithë infrastrukturën e nevojshme dhe ka siguri të përhershme.

Tregu do të punoj në lokacionin e Tregut të bagëtive në fshatin Frashër çdo të martë. Dita e parë  e tregut është pa pagesë.