Prishtinë, 2 qershor - Oda Ekonomike e Kosovës sot organizon hapjen e Panairit të Përgjithshëm Ndërkombëtar Prishtina 2010.

Ne hapje të panairit është paralajmëruar pjesëmarrja e presidentit të Kosovës, Fatmir Sejdiu, kryeministri Hashim Thaçi dhe zyrtarëve të tjerë të lartë nga vendi.

Në këtë Panair, më të madhin që organizohet në Kosovë, prodhimet e veta do ti ekspozojnë afro 100 kompani.

Përveç kompanive vendore në Panair marrin pjesë edhe kompanitë nga Shqipëria, Maqedonia, Bosnja dhe Hercegovina, Kroacia, Sllovenia dhe Serbia si dhe përfaqësitë e kompanive nga vendet perëndimore.

Hapja solemne e Panairit do të behët në ora 11:00.

Sikurse edhe viteve të mëparshme edhe sivjet Panairi mbahet në Zonën Industriale në Fushë Kosovë, në Qendrën e numërimit te votave të KQZ-së, përball Hipermarketit Maksi.