Athinë, 17 korrik - Greqia hodhi sot në treg 1,625 miliardë euro bono thesari për një periudhë tre mujore, me një normë interesi në rënie, saktësisht 4,28 për qind ndërkohë që parashikon vënien në zbatim të një plani ripërtëritjeje ekonomike të kërkuar nga Bashkimi Evropian dhe FMN-ja, njoftoi Agjencia greke e Menaxhimit të Borxhit Publik PDMA.

Norma e interesit për një emetim të njëjtë të bërë më 19 qershor, ishte prej 4,31 për qind.

Qeveria e koalicionit e dalë nga zgjedhjet legjislative të 16 qershorit është përkushtuar të punojë me një program prej 11,5 miliardë euro kursimesh për periudhën 2013-\'14, me qëllim përmbushjen e angazhimeve të shtrëngimit ekonomik që kushtëzojnë qëndrimin e vendin nën mbrojtjen financiare të BE-së dhe FMN-së.